jise main samajhta hun qatil yahi hai
jise maiñ samajhtā huuñ qātil yahī hai
mohabbat isī se hai mushkil yahī hai
adāvat huī barq se bāġhbāñ se
nasheman banāne kā hāsil yahī hai
taḌapnā barābar taḌapte hī rahnā
tire dar pe andāz-e-bismil yahī hai
bahut duur manzil magar har qadam par
thakan kā taqāzā ki manzil yahī hai
mire qatl kā zikr hai aur vo chup hai
ḳhamoshī na kah de ki qātil yahī hai
mujhe to hañsī apne ġham par na aatī
magar kyā karūñ rañg-e-mahfil yahī hai
vahāñ se 'iram' ham haTā laa.e kashtī
yahāñ ye samajhnā thā sāhil yahī hai
jise main samajhta hun qatil yahi hai
mohabbat isi se hai mushkil yahi hai
adawat hui barq se baghban se
nasheman banane ka hasil yahi hai
taDapna barabar taDapte hi rahna
tere dar pe andaz-e-bismil yahi hai
bahut dur manzil magar har qadam par
thakan ka taqaza ki manzil yahi hai
mere qatl ka zikr hai aur wo chup hai
KHamoshi na kah de ki qatil yahi hai
mujhe to hansi apne gham par na aati
magar kya karun rang-e-mahfil yahi hai
wahan se 'iram' hum haTa lae kashti
yahan ye samajhna tha sahil yahi hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
