jism diwar hai diwar mein dar karna hai

Rafiq Raaz

jism diwar hai diwar mein dar karna hai

Rafiq Raaz

MORE BYRafiq Raaz

    jism dīvār hai dīvār meñ dar karnā hai

    ruuh ik ġhaar hai is ġhaar meñ ghar karnā hai

    ek qatra to hai ashk-e-nadāmat bahut

    kaun se dasht-o-bayābān ko tar karnā hai

    jalte rahnā bhī hai dīvār pe fānūs ke bin

    be-zerah ma.arka-e-bād bhī sar karnā hai

    ḳhaak ho jaane pe ai ḳhāk-basar kyuuñ ho ba-zid

    kyā tumheñ dosh-e-havā par bhī safar karnā hai

    ab in āñkhoñ meñ vo dariyā kahāñ vo chashme kahāñ

    chand qatre haiñ jinheñ lāl-o-gohar karnā hai

    fat.h-e-gulzār mubārak ho magar yaad rahe

    abhī nā-dīda bayābān bhī sar karnā hai

    kuchh to hai rañg ehsās ke parde meñ nihāñ

    jis ko manzar tarah vaqf-e-nazar karnā hai

    gul-e-nau-ḳhez ko tesha bhī banā de yā-rab

    sañg-e-lab-basta ke siine meñ asar karnā hai

    ek neze pe lagāne haiñ ka.ī meva-e-sar

    ek Tahnī ko samar-dār shajar karnā hai

    jism diwar hai diwar mein dar karna hai

    ruh ek ghaar hai is ghaar mein ghar karna hai

    ek hi qatra to hai ashk-e-nadamat ka bahut

    kaun se dasht-o-bayaban ko tar karna hai

    jalte rahna bhi hai diwar pe fanus ke bin

    be-zerah marka-e-baad bhi sar karna hai

    KHak ho jaane pe ai KHak-basar kyun ho ba-zid

    kya tumhein dosh-e-hawa par bhi safar karna hai

    ab in aankhon mein wo dariya kahan wo chashme kahan

    chand qatre hain jinhen lal-o-gohar karna hai

    fath-e-gulzar mubarak ho magar yaad rahe

    abhi na-dida bayaban bhi sar karna hai

    kuchh to hai rang sa ehsas ke parde mein nihan

    jis ko manzar ki tarah waqf-e-nazar karna hai

    gul-e-nau-KHez ko tesha bhi bana de ya-rab

    sang-e-lab-basta ke sine mein asar karna hai

    ek neze pe lagane hain kai mewa-e-sar

    ek Tahni ko samar-dar shajar karna hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now