jism ke regzar mein sham-o-sahar sada karun
jism ke regzār meñ shām-o-sahar sadā karūñ
manzil-e-jāñ to duur hai tai yahī fāslā karūñ
ye jo ravāñ haiñ chār-sū itne dhueñ ke aadmī
kis liye chob-e-sabz ko aag se āshnā karūñ
qaid kare to aap hai qaid sahe to aap hai
maiñ kise roktā phirūñ aur kise rihā karūñ
raat rukī hai aan kar zard safed ghaas par
laakh suḳhan hai darmiyāñ kis se kise judā karūñ
shāḳh hilī to Dar gayā dhuup khilī to mar gayā
kaash kabhī to jiite jī sub.h kā sāmnā karūñ
jism ke regzar mein sham-o-sahar sada karun
manzil-e-jaan to dur hai tai yahi fasla karun
ye jo rawan hain chaar-su itne dhuen ke aadmi
kis liye chob-e-sabz ko aag se aashna karun
qaid kare to aap hai qaid sahe to aap hai
main kise rokta phirun aur kise riha karun
raat ruki hai aan kar zard safed ghas par
lakh suKHan hai darmiyan kis se kise juda karun
shaKH hili to Dar gaya dhup khili to mar gaya
kash kabhi to jite ji subh ka samna karun
Source:
Ab Tak Kulliyat-e-Gazal Jild 1 (Pg. 175)
- Author: Zafar Iqbal
-
- Edition: 2004
- Publisher: Multi Media Affairs, Lahore
- Year of Publication: 2004
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
