aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

jiye jaenge hum bhi lab pe dam jab tak nahin aata

Shad Azimabadi

jiye jaenge hum bhi lab pe dam jab tak nahin aata

Shad Azimabadi

MORE BYShad Azimabadi

    jiye jā.eñge ham bhī lab pe dam jab tak nahīñ aatā

    hameñ bhī dekhnā hai nāma-bar kab tak nahīñ aatā

    pahuñchnā thā jo arz-e-hāl ko arsh-e-muazzam tak

    ka.ī shab se vahī naala mire lab tak nahīñ aatā

    dil apnā vādi-e-ġhurbat meñ shāyad mar rahā kar

    na aane bhī ik mī.ād hai kab tak nahīñ aatā

    vahāñ auroñ ke qissoñ ko bhī sun kar vo khaTakte haiñ

    yahāñ apnī zabāñ par harf-e-matlab tak nahīñ aatā

    yahāñ tak sīna-tañgī se za.iif o zaar hai naala

    chalā jo sub.h ko vo tā-ba-lab shab tak nahīñ aatā

    jahāñ tamhīd vo aur qisse chheḌ detā hai

    kisī sūrat se zālim harf-e-matlab tak nahīñ aatā

    bulā bhejeñ na jab tak 'shād' ko vo apne kūche meñ

    ijāra hai tirā ai shauq haañ tab tak nahīñ aatā

    jiye jaenge hum bhi lab pe dam jab tak nahin aata

    hamein bhi dekhna hai nama-bar kab tak nahin aata

    pahunchna tha jo arz-e-haal ko arsh-e-muazzam tak

    kai shab se wahi nala mere lab tak nahin aata

    dil apna wadi-e-ghurbat mein shayad mar raha ja kar

    na aane ki bhi ek miad hai kab tak nahin aata

    wahan auron ke qisson ko bhi sun kar wo khaTakte hain

    yahan apni zaban par harf-e-matlab tak nahin aata

    yahan tak sina-tangi se zaif o zar hai nala

    chala jo subh ko wo ta-ba-lab shab tak nahin aata

    jahan tamhid ki wo aur qisse chheD deta hai

    kisi surat se zalim harf-e-matlab tak nahin aata

    bula bhejen na jab tak 'shad' ko wo apne kuche mein

    ijara hai tera ai shauq han tab tak nahin aata

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now