jo aa rahi hai badan se kamal ki KHushbu

jo aa rahī hai badan se kamāl kī ḳhushbū

mirī ragoñ meñ hai rizq-e-halāl kī ḳhushbū

usī ke dam se mo'attar hai kārvān-e-hayāt

hai mere ghar meñ jo ahl-o-'ayāl kī ḳhush-bū

zabāñ pe haiñ vahī kalme vahī hai soz magar

kahāñ se lā.ūñ azān-e-bilāl kī ḳhushbū

jiyeñge aur kahāñ tak ham apne maazī meñ

hameñ to chāhiye ab apne haal kī ḳhushbū

na aayā dil meñ kisī aur kā ḳhayāl kabhī

basī hai jab se tumhāre ḳhayāl kī ḳhushbū

tū apne fazl-o-karam se qubūl kar yā-rab

'habība' laa.ī hai dast-e-savāl kī ḳhushbū

jo aa rahi hai badan se kamal ki KHushbu

meri ragon mein hai rizq-e-halal ki KHushbu

usi ke dam se mo'attar hai karwan-e-hayat

hai mere ghar mein jo ahl-o-'ayal ki KHush-bu

zaban pe hain wahi kalme wahi hai soz magar

kahan se laun azan-e-bilal ki KHushbu

jiyenge aur kahan tak hum apne mazi mein

hamein to chahiye ab apne haal ki KHushbu

na aaya dil mein kisi aur ka KHayal kabhi

basi hai jab se tumhaare KHayal ki KHushbu

tu apne fazl-o-karam se qubul kar ya-rab

'habiba' lai hai dast-e-sawal ki KHushbu