jo aae wo hisab-e-ab-o-dana karne wale the

Zafar Gorakhpuri

jo aae wo hisab-e-ab-o-dana karne wale the

Zafar Gorakhpuri

MORE BYZafar Gorakhpuri

    jo aa.e vo hisāb-e-āb-o-dāna karne vaale the

    ga.e vo log jo kār-e-zamāna karne vaale the

    uḌāne ke liye kuchh kam nahīñ hai ḳhaak ghar meñ bhī

    vo mausam nahīñ haiñ jo divāna karne vaale the

    mirī gum-gashtagī mere liye chhat ban ga.ī varna

    ye duniyā vaale mujh ko be-Thikāna karne vaale the

    na dete saare manzar aks thoḌe se de dete

    ham āvāra kahāñ taz.īn-e-ḳhāna karne vaale the

    samundar le gayā ham se vo saarī sīpiyāñ vāpas

    jinheñ ham jamma kar ke ik ḳhazāna karne vaale the

    'zafar' be-ḳhānamāñ apne ko ḳhud kar liyā tum ne

    ye kār-e-ḳhair to ahl-e-zamāna karne vaale the

    jo aae wo hisab-e-ab-o-dana karne wale the

    gae wo log jo kar-e-zamana karne wale the

    uDane ke liye kuchh kam nahin hai KHak ghar mein bhi

    wo mausam hi nahin hain jo diwana karne wale the

    meri gum-gashtagi mere liye chhat ban gai warna

    ye duniya wale mujh ko be-Thikana karne wale the

    na dete sare manzar aks hi thoDe se de dete

    hum aawara kahan tazin-e-KHana karne wale the

    samundar le gaya hum se wo sari sipiyan wapas

    jinhen hum jamma kar ke ek KHazana karne wale the

    'zafar' be-KHanaman apne ko KHud hi kar liya tum ne

    ye kar-e-KHair to ahl-e-zamana karne wale the

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY