جو اب جواں ہے وہ عزم جواں رہے نہ رہے
جو اب جواں ہے وہ عزم جواں رہے نہ رہے
بہار آئے نہ آئے خزاں رہے نہ رہے
پتہ نہیں کہ سمندر میں بعد طوفاں بھی
سفینہ ہو کے نہ ہو بادباں رہے نہ رہے
قدم قدم پہ اگی رنجشوں کے عالم میں
جوار یار در دوستاں رہے نہ رہے
گھر اپنا بھر لو ابھی خیر ہے اجالوں سے
جب آندھیاں ہوں دیا ضو فشاں رہے نہ رہے
ہم انقلاب کا باعث جسے سمجھتے ہیں
وہ گرم خون رگوں میں رواں رہے نہ رہے
نفس نفس ہے شرابور جس کی نکہت سے
وہ گل کھلیں نہ کھلیں گلستاں رہے نہ رہے
بھٹک رہے ہیں نشانوں سے تیر اب اس کے
کڑی ابھی بھی وہ دیکھو کماں رہے نہ رہے
ابھی ابھار لو الفاظ جو دبے ہوں نہالؔ
دہن کے ساتھ ہمیشہ زباں رہے نہ رہے
مأخذ:
تاکہ سند رہے (Pg. 146)
- مصنف: نہال رضوی
-
- ناشر: نہال رضوی
- سن اشاعت: 2015
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
