jo ab tak naw ye Dubi nahin hai

jo ab tak naav ye Duubī nahīñ hai

to sāhil par bhī bechainī nahīñ hai

chalo ham bhī vafā se baaz aa.e

mohabbat koī majbūrī nahīñ hai

zarā tārīkiyoñ ko bhī pukāro

ki itnī raushnī achchhī nahīñ hai

abhī se kāñptā hai sham.a kā dil

abhī us ne naqāb ulTī nahīñ hai

rahā kartī hai hasrat ban ke dil meñ

matā-e-ārzū luTtī nahīñ hai

hayāt-e-jāvedāñ paane kī ḳhātir

hayāt-e-muḳhtasar chhūTī nahīñ hai

'imām' aa.eñ zarā us bazm tak vo

jinheñ ehsās-e-mahrūmī nahīñ hai

jo ab tak naw ye Dubi nahin hai

to sahil par bhi bechaini nahin hai

chalo hum bhi wafa se baz aae

mohabbat koi majburi nahin hai

zara tarikiyon ko bhi pukaro

ki itni raushni achchhi nahin hai

abhi se kanpta hai shama ka dil

abhi us ne naqab ulTi nahin hai

raha karti hai hasrat ban ke dil mein

mata-e-arzu luTti nahin hai

hayat-e-jawedan pane ki KHatir

hayat-e-muKHtasar chhuTi nahin hai

'imam' aaen zara us bazm tak wo

jinhen ehsas-e-mahrumi nahin hai