جو ادا ہے بے اماں ہے آج کل
جو ادا ہے بے اماں ہے آج کل
میرے دل کا امتحاں ہے آج کل
ملتفت برق تپاں ہے آج کل
شاخ گل پر آشیاں ہے آج کل
اک جنون جستجو میں بے جہت
جادہ پیماں کارواں ہے آج کل
ہر قدم اٹھتا ہے منزل کی طرف
عشق میر کارواں ہے آج کل
کوئی برق شعلہ زن ہی اے فلک
زندگی خواب گراں ہے آج کل
کون سنتا ہے کسی کی داستاں
اپنی اپنی داستاں ہے آج کل
عشرت فصل بہاراں الاماں
بجلیوں میں آشیاں ہے آج کل
حضرت طالبؔ ہیں کچھ کھوئے ہوئے
کوئی شاید مہرباں ہے آج کل
مأخذ:
گل صحرا (Pg. 30)
- مصنف: طالب جے پوری
-
- ناشر: طالب جے پوری
- سن اشاعت: 1967
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
