جو اپنی چشم تر سے دل کا پارہ چھوڑ جاتا ہے
جو اپنی چشم تر سے دل کا پارہ چھوڑ جاتا ہے
وہی محفل میں غم کا استعارہ چھوڑ جاتا ہے
میاں غربت میں ہر اک بے سہارا چھوڑ جاتا ہے
اندھیرا ہو تو سایہ بھی ہمارا چھوڑ جاتا ہے
جدھر جلوے بکھرتے ہیں ادھر کرتا نہیں نظریں
شکست خواب کے ڈر سے نظارہ چھوڑ جاتا ہے
مجھے سیراب کرتا جا اگر تو اک سمندر ہے
فقط پیاسے پہ کیوں الزام سارا چھوڑ جاتا ہے
ہر اک ہے محو حیرت وہ کرشمہ ساز ہے ایسا
سر محفل جو اک رنگیں نظارہ چھوڑ جاتا ہے
میں اکثر کشتیٔ موج بلا پر سیر کرتا ہوں
مجھے ساحل پہ اس کا اک اشارہ چھوڑ جاتا ہے
عجب ہے میرا محسن بھی کہ جاتے وقت وہ اکثر
مری پلکوں پہ اک روشن ستارہ چھوڑ جاتا ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
