jo apni hai wo KHak-e-dil-nashin hi kaam aaegi
jo apnī hai vo ḳhāk-e-dil-nashīñ hī kaam aa.egī
giroge āsmāñ se jab zamīñ hī kaam aa.egī
yahāñ se mat uThā bistar ki is saffāk āñdhī meñ
ye TuuTī phūTī dīvār-e-yaqīñ hī kaam aa.egī
uThā rakkhā thā sahrā sar pe tum ne kaun mānegā
jhaTaknā mat ki ye gard-e-jabīñ hī kaam aa.egī
vo din aa.egā jab saare samundar suukh jā.eñge
miyāñ andar kī jū-e-ātashīñ hī kaam aa.egī
koī āñkhoñ ke shole poñchhne vaalā nahīñ hogā
'zafar' sāhab ye giilī āstīñ hī kaam aa.egī
jo apni hai wo KHak-e-dil-nashin hi kaam aaegi
giroge aasman se jab zamin hi kaam aaegi
yahan se mat uTha bistar ki is saffak aandhi mein
ye TuTi phuTi diwar-e-yaqin hi kaam aaegi
uTha rakkha tha sahra sar pe tum ne kaun manega
jhaTakna mat ki ye gard-e-jabin hi kaam aaegi
wo din aaega jab sare samundar sukh jaenge
miyan andar ki ju-e-atashin hi kaam aaegi
koi aankhon ke shole ponchhne wala nahin hoga
'zafar' sahab ye gili aastin hi kaam aaegi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
