jo ba-kirdar ho usko siyani kaun kahta hai

Sabeela Inam Siddiqui

jo ba-kirdar ho usko siyani kaun kahta hai

Sabeela Inam Siddiqui

MORE BYSabeela Inam Siddiqui

    jo bā-kirdār ho us ko siyānī kaun kahtā hai

    kisī mazdūr beTī ko raanī kaun kahtā hai

    bajaT jab saare lag jaa.eñ vazārat kursī par

    to is tarz-e-ma.īshat ko girānī kaun kahtā hai

    mohabbat ke fasāne aaj bhī tahrīr hote haiñ

    bahār-e-zindagānī ko purānī kaun kahtā hai

    mirī naanī sunātī thī hikāyat saat pariyoñ

    vo sachche pyaar lorī suhānī kaun kahtā hai

    nahīñ miTtā miTāne se kisī se pyaar rishta

    mohabbat to haqīqat hai kahānī kaun kahtā hai

    atā umr-e-ravāñ ne hai jo sauġhāt bāloñ ko

    utartī chāñdnī ko naujavānī kaun kahtā hai

    sabhī ne āp-bītī aur jag-bītī kahī lekin

    mire andāz se sachchī kahānī kaun kahtā hai

    kuchh aise log hote haiñ jo mar ke bhī nahīñ marte

    haiñ jin ke naam zinda un ko faanī kaun kahtā hai

    jo mere lab nahīñ kahte mire ash.ār kahte haiñ

    jo dil tahrīr kartā hai zabānī kaun kahtā hai

    'sabīla' apne ġham ko maiñ chhupā letī to huuñ lekin

    girātī haiñ jo āñkheñ un ko paanī kaun kahtā hai

    jo ba-kirdar ho us ko siyani kaun kahta hai

    kisi mazdur ki beTi ko rani kaun kahta hai

    bajaT jab sare lag jaen wazarat ki hi kursi par

    to is tarz-e-maishat ko girani kaun kahta hai

    mohabbat ke fasane aaj bhi tahrir hote hain

    bahaar-e-zindagani ko purani kaun kahta hai

    meri nani sunati thi hikayat sat pariyon ki

    wo sachche pyar ki lori suhani kaun kahta hai

    nahin miTta miTane se kisi se pyar ka rishta

    mohabbat to haqiqat hai kahani kaun kahta hai

    ata umr-e-rawan ne ki hai jo saughat baalon ko

    utarti chandni ko naujawani kaun kahta hai

    sabhi ne aap-biti aur jag-biti kahi lekin

    mere andaz se sachchi kahani kaun kahta hai

    kuchh aise log hote hain jo mar ke bhi nahin marte

    hain jin ke nam zinda un ko fani kaun kahta hai

    jo mere lab nahin kahte mere ashaar kahte hain

    jo dil tahrir karta hai zabani kaun kahta hai

    'sabila' apne gham ko main chhupa leti to hun lekin

    giraati hain jo aankhen un ko pani kaun kahta hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY