جو با کردار ہو اس کو سیانی کون کہتا ہے

سبیلہ انعام صدیقی

جو با کردار ہو اس کو سیانی کون کہتا ہے

سبیلہ انعام صدیقی

MORE BYسبیلہ انعام صدیقی

    جو با کردار ہو اس کو سیانی کون کہتا ہے

    کسی مزدور کی بیٹی کو رانی کون کہتا ہے

    بجٹ جب سارے لگ جائیں وزارت کی ہی کرسی پر

    تو اس طرز معیشت کو گرانی کون کہتا ہے

    محبت کے فسانے آج بھی تحریر ہوتے ہیں

    بہار زندگانی کو پرانی کون کہتا ہے

    مری نانی سناتی تھی حکایت سات پریوں کی

    وہ سچے پیار کی لوری سہانی کون کہتا ہے

    نہیں مٹتا مٹانے سے کسی سے پیار کا رشتہ

    محبت تو حقیقت ہے کہانی کون کہتا ہے

    عطا عمر رواں نے کی ہے جو سوغات بالوں کو

    اترتی چاندنی کو نوجوانی کون کہتا ہے

    سبھی نے آپ بیتی اور جگ بیتی کہی لیکن

    مرے انداز سے سچی کہانی کون کہتا ہے

    کچھ ایسے لوگ ہوتے ہیں جو مر کے بھی نہیں مرتے

    ہیں جن کے نام زندہ ان کو فانی کون کہتا ہے

    جو میرے لب نہیں کہتے مرے اشعار کہتے ہیں

    جو دل تحریر کرتا ہے زبانی کون کہتا ہے

    سبیلہؔ اپنے غم کو میں چھپا لیتی تو ہوں لیکن

    گراتی ہیں جو آنکھیں ان کو پانی کون کہتا ہے

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY