جو دیکھو تو وہ چہرہ اجنبی ہے
جو دیکھو تو وہ چہرہ اجنبی ہے
اگر سوچو تو وجہ زندگی ہے
مجھے ہے اعتراف جرم الفت
مجھے تم سے محبت ہو گئی ہے
مری آنکھیں لٹاتی ہیں جو گوہر
مزاج عشق میں دریا دلی ہے
مسیحائی نہ تم سے ہو سکے گی
ہمارا درد الفت دائمی ہے
ترا پیکر خیالوں میں بسا ہے
ہر اک سو روشنی ہی روشنی ہے
ہمیں راس آ گئی خوباں پرستی
بڑی دل کش ہماری زندگی ہے
تری چاہت کا ہے یہ بھی کرشمہ
عدو سے بھی ہماری دوستی ہے
مجھے مے کش سمجھتا ہے زمانہ
نگاہوں میں خمار عاشقی ہے
مزہ جب ہے وہ کہہ دے بے خودی میں
قرار جاں رئیسؔ وارثی ہے
مأخذ:
آئینہ ہوں میں (Pg. 83)
- مصنف: رئیس وارثی
-
- ناشر: اردو مرکز، نیویارک
- سن اشاعت: 2008
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
