جو دل پر ضرب کاری لگ رہی ہے
یہ خوشبو بھی تمہاری لگ رہی ہے
تمہاری یاد میں سویا ہوا ہوں
بدن کو نیند پیاری لگ رہی ہے
محبت ایک لمحے میں ہوئی تھی
اب اس میں عمر ساری لگ رہی ہے
تمہارے درد پر دل دکھ رہا ہے
تمہاری جاں ہماری لگ رہی ہے
مرے پہلو میں بیٹھی روئے جائے
شب فرقت کی ماری لگ رہی ہے
کہ دل ہاتھوں سے نکلا جا رہا ہے
یہ کیسی بے قراری لگ رہی ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
