jo dil pe hua hai wo sitam bol raha hai

jo dil pe huā hai vo sitam bol rahā hai

tum chup ho magar dīda-e-nam bol rahā hai

kab jāgoge tum niiñd se ai niiñd ke maato

ye vaqt koī baat aham bol rahā hai

barbādī-e-millat ke haiñ āsār numāyāñ

har shaḳhs har ik baat meñ ham bol rahā hai

mā'sūm tire hoñToñ pe mazmūm ye bāteñ

lahje meñ tire jāh-o-hasham bol rahā hai

ham log bhaTak aate haiñ ai rāhnumāoñ

raste kā har ik naqsh-e-qadam bol rahā hai

us shaḳhs se taqdīr vafā kar ga.ī shāyad

is vāste duniyā ko iram bol rahā hai

hoñToñ pe mire mohr-e-ḳhamoshī hai magar vo

maiñ kah nahīñ saktā jo qalam bol rahā hai

jo dil pe hua hai wo sitam bol raha hai

tum chup ho magar dida-e-nam bol raha hai

kab jagoge tum nind se ai nind ke mato

ye waqt koi baat aham bol raha hai

barbaadi-e-millat ke hain aasar numayan

har shaKHs har ek baat mein hum bol raha hai

ma'sum tere honTon pe mazmum ye baaten

lahje mein tere jah-o-hasham bol raha hai

hum log bhaTak aate hain ai rahnumaon

raste ka har ek naqsh-e-qadam bol raha hai

us shaKHs se taqdir wafa kar gai shayad

is waste duniya ko iram bol raha hai

honTon pe mere mohr-e-KHamoshi hai magar wo

main kah nahin sakta jo qalam bol raha hai