jo jata hai wo phir wapas nibhane ko nahin aata

jo jaatā hai vo phir vāpas nibhāne ko nahīñ aatā

koī vīrāniyoñ meñ ghar basāne ko nahīñ aatā

tujhe gar chāhiye 'izzat to ḳhud kirdār behtar kar

kisī kī shaḳhsiyat koī banāne ko nahīñ aatā

hamāre aspatāloñ par baraste bam haiñ par koī

hamārī maut kā mātam manāne ko nahīñ aatā

kabhī bhūkā na soyā maiñ thī jab tak maañ mirī zinda

jo ab rūThūñ to koī bhī manāne ko nahīñ aatā

ḳhudā tū zindagī bhar rakh salāmat mere vālid ko

sivā un ke koī himmat baḌhāne ko nahīñ aatā

agar 'hassām' us ne dil na toḌā hotā to phir maiñ

kabhī bhī mahfiloñ meñ dard gaane ko nahīñ aatā

jo jata hai wo phir wapas nibhane ko nahin aata

koi viraniyon mein ghar basane ko nahin aata

tujhe gar chahiye 'izzat to KHud kirdar behtar kar

kisi ki shaKHsiyat koi banane ko nahin aata

hamare aspatalon par baraste bam hain par koi

hamari maut ka matam manane ko nahin aata

kabhi bhuka na soya main thi jab tak man meri zinda

jo ab ruThun to koi bhi manane ko nahin aata

KHuda tu zindagi bhar rakh salamat mere walid ko

siwa un ke koi himmat baDhane ko nahin aata

agar 'hassam' us ne dil na toDa hota to phir main

kabhi bhi mahfilon mein dard gane ko nahin aata