jo karna chahte ho kar raho bas

jo karnā chāhte ho kar raho bas

isī jiine meñ thoḌā mar raho bas

nahīñ honī hai kuchh tum se 'ibādat

vo kahtā hai ki mujh se Dar raho bas

tum ahl-e-shahr kī aafat bane ho

huī āvārgī ab ghar raho bas

havas chhoḌo vo bāhar aa.e na aa.e

jabīñ us āstāñ par dhar raho bas

kitābī silsile sab bhuul jaao

jo us ne kah diyā us par raho bas

jo karna chahte ho kar raho bas

isi jine mein thoDa mar raho bas

nahin honi hai kuchh tum se 'ibaadat

wo kahta hai ki mujh se Dar raho bas

tum ahl-e-shahr ki aafat bane ho

hui aawargi ab ghar raho bas

hawas chhoDo wo bahar aae na aae

jabin us aastan par dhar raho bas

kitabi silsile sab bhul jao

jo us ne kah diya us par raho bas