jo KHas bande hain wo banda-e-awam nahin

Khwaja Mohammad Wazir

jo KHas bande hain wo banda-e-awam nahin

Khwaja Mohammad Wazir

MORE BYKhwaja Mohammad Wazir

    jo ḳhaas bande haiñ vo banda-e-avām nahīñ

    hazār baar jo yūsuf bike ġhulām nahīñ

    bhalā ho kyā dil zāhid meñ soz-e-ulfat-e-haq

    kabhī jalāne ke qābil charāġh-e-ḳhām nahīñ

    gilā hai chashm-e-suḳhan-go se ḳhāmushī hameñ

    dahan ke hone na hone meñ kuchh kalām nahīñ

    āftāb hai zulf-e-siyah nahīñ to na ho

    charāġh-e-roz ko kuchh ehtiyāj-e-shām nahīñ

    aziiz āshiq-e-gumnām hai dil us ko

    nagīñ vo haath meñ rakhtā hai jis meñ naam nahīñ

    bas ek haath meñ do ho ke paḌh dogānā-e-ishq

    jo be-namāz hai vo qābil-e-salām nahīñ

    ye sar jhukānā ye muñh phernā hai maan.e diid

    mirī namāz meñ sajda nahīñ salām nahīñ

    vo mujh pe marne lagī jo hai mire darpai-e-qatl

    ilāhī is ke sivā aur intiqām nahīñ

    firāq-e-yār meñ dast-e-subū uḌāte haiñ ḳhaak

    ye gard-bād hai gardish meñ apnā jaam nahīñ

    na hañs rulā.egā tujh ko ḳhumār-e-bāda-e-aish

    mai-nashāt to is bazm meñ mudām nahīñ

    phañse na qaid-e-ta.alluq meñ jo ki hai āzād

    chaman meñ tā.ir-e-nik.hat asīr-e-dām nahīñ

    vo dil ho chaak nahīñ ishq nishāñ jis meñ

    nagīñ vo TuuTe mohabbat jis meñ naam nahīñ

    rahegā hijr din kab kaTe agar shab-e-vasl

    mudām roz-e-qayāmat ko bhī qayām nahīñ

    bane jo baal phandā tumhārī teġh baal

    to murġh-e-jāñ ke liye behtar is se daam nahīñ

    mai-do-ātisha-e-kufr-o-dīñ se ḳhalq hai mast

    magar sharāb ye ham-mashrabo harām nahīñ

    pukārā apnā gadā kah ke mujh ko ai shah-e-husn

    faqīr huuñ tire dar 'vazīr' naam nahīñ

    jo KHas bande hain wo banda-e-awam nahin

    hazar bar jo yusuf bike ghulam nahin

    bhala ho kya dil zahid mein soz-e-ulfat-e-haq

    kabhi jalane ke qabil charagh-e-KHam nahin

    gila hai chashm-e-suKHan-go se KHamushi ka hamein

    dahan ke hone na hone mein kuchh kalam nahin

    tu aaftab hai zulf-e-siyah nahin to na ho

    charagh-e-roz ko kuchh ehtiyaj-e-sham nahin

    aziz aashiq-e-gumnam ka hai dil us ko

    nagin wo hath mein rakhta hai jis mein nam nahin

    bas ek hath mein do ho ke paDh dogana-e-ishq

    jo be-namaz hai wo qabil-e-salam nahin

    ye sar jhukana ye munh pherna hai mane did

    meri namaz mein sajda nahin salam nahin

    wo mujh pe marne lagi jo hai mere darpai-e-qatl

    ilahi is ke siwa aur intiqam nahin

    firaq-e-yar mein dast-e-subu uDate hain KHak

    ye gard-baad hai gardish mein apna jam nahin

    na hans rulaega tujh ko KHumar-e-baada-e-aish

    mai-nashat to is bazm mein mudam nahin

    phanse na qaid-e-talluq mein jo ki hai aazad

    chaman mein tair-e-nikhat asir-e-dam nahin

    wo dil ho chaak nahin ishq ka nishan jis mein

    nagin wo TuTe mohabbat ka jis mein nam nahin

    rahega hijr ka din kab kaTe agar shab-e-wasl

    mudam roz-e-qayamat ko bhi qayam nahin

    bane jo baal ka phanda tumhaari tegh ka baal

    to murgh-e-jaan ke liye behtar is se dam nahin

    mai-do-atisha-e-kufr-o-din se KHalq hai mast

    magar sharab ye ham-mashrabo haram nahin

    pukara apna gada kah ke mujh ko ai shah-e-husn

    faqir hun tere dar ka 'wazir' nam nahin

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY