jo KHatar sa tha kahin bahr-o-bar mein chhupa hua

jo ḳhatar sā thā kahīñ bahr-o-bar meñ chhupā huā

mire saath hai mire bāl-o-par meñ chhupā huā

mujhe 'arsa-e-mah-o-sāl meñ nahīñ khojnā

maiñ huuñ ek lamha-e-muḳhtasar meñ chhupā huā

maiñ huuñ ek 'umr se qatl-gah ko ravāñ-davāñ

koī aur hai jo hai mere ghar meñ chhupā huā

saf-e-dostāñ se nikal ke vo mirī ghaat meñ

hai kamāñ-ba-kaf mirī rah-guzar meñ chhupā huā

maiñ huuñ aa.ina mire rū-barū koī aur hai

mirā 'aks hai mire 'aks-gar meñ chhupā huā

mujhe chaak honā hai ek din kisī chaak par

maiñ huuñ mo'jiza kaf-e-kūza-gar meñ chhupā huā

kisī naqsh meñ tire ḳhadd-o-ḳhāl se aa.egā

ye jo rang sā hai mire hunar meñ chhupā huā

jo KHatar sa tha kahin bahr-o-bar mein chhupa hua

mere sath hai mere baal-o-par mein chhupa hua

mujhe 'arsa-e-mah-o-sal mein nahin khojna

main hun ek lamha-e-muKHtasar mein chhupa hua

main hun ek 'umr se qatl-gah ko rawan-dawan

koi aur hai jo hai mere ghar mein chhupa hua

saf-e-dostan se nikal ke wo meri ghat mein

hai kaman-ba-kaf meri rah-guzar mein chhupa hua

main hun aaina mere ru-baru koi aur hai

mera 'aks hai mere 'aks-gar mein chhupa hua

mujhe chaak hona hai ek din kisi chaak par

main hun mo'jiza kaf-e-kuza-gar mein chhupa hua

kisi naqsh mein tere KHadd-o-KHal se aaega

ye jo rang sa hai mere hunar mein chhupa hua