جو خطر سا تھا کہیں بحر و بر میں چھپا ہوا
جو خطر سا تھا کہیں بحر و بر میں چھپا ہوا
مرے ساتھ ہے مرے بال و پر میں چھپا ہوا
مجھے عرصۂ مہ و سال میں نہیں کھوجنا
میں ہوں ایک لمحۂ مختصر میں چھپا ہوا
میں ہوں ایک عمر سے قتل گہہ کو رواں دواں
کوئی اور ہے جو ہے میرے گھر میں چھپا ہوا
صف دوستاں سے نکل کے وہ مری گھات میں
ہے کماں بکف مری رہگزر میں چھپا ہوا
میں ہوں آئنہ مرے روبرو کوئی اور ہے
مرا عکس ہے مرے عکس گر میں چھپا ہوا
مجھے چاک ہونا ہے ایک دن کسی چاک پر
میں ہوں معجزہ کف کوزہ گر میں چھپا ہوا
کسی نقش میں ترے خد و خال سے آئے گا
یہ جو رنگ سا ہے مرے ہنر میں چھپا ہوا
مأخذ :
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
