jo lab pe na laun wahi sheron mein kahun main

Sadique Naseem

jo lab pe na laun wahi sheron mein kahun main

Sadique Naseem

MORE BYSadique Naseem

    jo lab pe na lā.ūñ vahī sheroñ meñ kahūñ maiñ

    yuuñ ā.īna-e-hasrat-e-guftār banūñ maiñ

    ā.īna-e-āġhāz meñ dekhūñ ruḳh-e-anjām

    kaliyoñ ke chaTakne sadā se bhī Darūñ maiñ

    mere liye ḳhalvat bhī hai hañgāme sūrat

    vo shor-e-tamannā hai ki kis kis ko sunūñ maiñ

    Thahro to ye ghar kyā dil-o-jāñ bhī haiñ tumhāre

    jaate ho to kyuuñ raah dīvār banūñ maiñ

    har gaam nigāhoñ se lipaT uThte haiñ sho.ale

    aur dil yahī zid hai isī raah chalūñ maiñ

    har ek nazar ābla-pā dekh rahā huuñ

    baste hue shahroñ ko bhī sahrā kahūñ maiñ

    koī bhī sar-e-dār charāġhāñ nahīñ kartā

    aur sab tamannā hai ki mansūr banūñ meñ

    naqqāshī-e-taḳh.īl se ghabrā gayā huuñ

    kab tak yūñhī ḳhvāboñ ke jazīroñ meñ rahūñ maiñ

    jo le gayā jaan o jigar o dil sar-e-rāhe

    vo ghar mire aa jaa.e to kyā nazr karūñ maiñ

    mujh ko hai junūñ zamzama-e-barg-e-ḳhizāñ

    patjhaḌ ke liye gosh-bar-āvāz rahūñ maiñ

    'sādiq' mujhe manzūr nahīñ in numā.ish

    har chand ki zaḳhmoñ ḳharīdār to huuñ maiñ

    jo lab pe na laun wahi sheron mein kahun main

    yun aaina-e-hasrat-e-guftar banun main

    aaina-e-aghaz mein dekhun ruKH-e-anjam

    kaliyon ke chaTakne ki sada se bhi Darun main

    mere liye KHalwat bhi hai hangame ki surat

    wo shor-e-tamanna hai ki kis kis ko sunun main

    Thahro to ye ghar kya dil-o-jaan bhi hain tumhaare

    jate ho to kyun rah ki diwar banun main

    har gam nigahon se lipaT uThte hain shoale

    aur dil ki yahi zid hai isi rah chalun main

    har ek nazar aabla-pa dekh raha hun

    baste hue shahron ko bhi sahra hi kahun main

    koi bhi sar-e-dar charaghan nahin karta

    aur sab ki tamanna hai ki mansur banun mein

    naqqashi-e-taKHil se ghabra sa gaya hun

    kab tak yunhi KHwabon ke jaziron mein rahun main

    jo le gaya jaan o jigar o dil sar-e-rahe

    wo ghar mere aa jae to kya nazr karun main

    mujh ko hai junun zamzama-e-barg-e-KHizan ka

    patjhaD ke liye gosh-bar-awaz rahun main

    'sadiq' mujhe manzur nahin in ki numaish

    har chand ki zaKHmon ka KHaridar to hun main

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY