جو مدعا ہے دلوں کا یہاں نہیں ملتا
جو مدعا ہے دلوں کا یہاں نہیں ملتا
جہان راز ہے راز جہاں نہیں ملتا
جو کیفیت ہے خموشی میں وہ بیاں میں نہیں
بیاں کروں بھی تو لطف بیاں نہیں ملتا
جنوں کی راہ میں یہ کون سا مقام آیا
کہ اب سراغ زمان و مکاں نہیں ملتا
نہ اب زمیں کی خبر ہے نہ آسماں کی خبر
مرے ہی نقش قدم کا نشاں نہیں ملتا
خزاں میں اہل نشیمن کو تھا بہار کا غم
بہار آئی تو اب آشیاں نہیں ملتا
ہر ایک یوں تو ہے آداب عشق سے واقف
مرے جنوں کا مگر راز داں نہیں ملتا
محبتوں میں کمی کیا ہوئی کہ سینے میں
وہ بے قرار دل بد گماں نہیں ملتا
ہنوز ختم نہیں جستجوئے ماہ وشاں
ابھی تو زیر قدم آسماں نہیں ملتا
فضائے لالۂ و گل سرد ہوتی جاتی ہے
جمالؔ سا کوئی شعلہ بیاں نہیں ملتا
مأخذ:
لالۂ شاداب (Pg. 85)
- مصنف: مسعود اختر جمال
-
- ناشر: غلام حسین زیدی
- سن اشاعت: 1979
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
