jo qatl ho raha tha koi na-tawan tha

jo qatl ho rahā thā koī nā-tavān thā

chup-chāp dekhtā thā khaḌā hukmrān thā

ye daur jis kā dard bayāñ kar rahā huuñ maiñ

ik tiir zulm kā thā sitam kī kamān thā

mere liye 'ajīb sī duniyā thī soch kī

jis meñ ḳhudā ke vāste puḳhta makān thā

donoñ ke darmiyān ḳhalā fasl-o-nasl kā

'ātish' agar javān thā maiñ naujavān thā

mere liye ġhazal nahīñ machhlī kī aañkh thī

har she'r is shikār meñ 'arjun' kā baan thā

raġhbat hai us ko khet meñ maujūd ghaas se

phir ḳhud-kushī ne maar diyā phir kisān thā

markaz hī 'irtazā' se judā ho sakā 'nishāt'

jis kā vo yār-e-ġhār taḳhallus thā jaan thā

jo qatl ho raha tha koi na-tawan tha

chup-chap dekhta tha khaDa hukmran tha

ye daur jis ka dard bayan kar raha hun main

ek tir zulm ka tha sitam ki kaman tha

mere liye 'ajib si duniya thi soch ki

jis mein KHuda ke waste puKHta makan tha

donon ke darmiyan KHala fasl-o-nasl ka

'atish' agar jawan tha main naujawan tha

mere liye ghazal nahin machhli ki aankh thi

har she'r is shikar mein 'arjun' ka ban tha

raghbat hai us ko khet mein maujud ghas se

phir KHud-kushi ne mar diya phir kisan tha

markaz hi 'irtaza' se juda ho saka 'nishat'

jis ka wo yar-e-ghaar taKHallus tha jaan tha