jo sitara TuT kar pamal hai ab KHak mein

Manju Kachhawa Ana

jo sitara TuT kar pamal hai ab KHak mein

Manju Kachhawa Ana

MORE BYManju Kachhawa Ana

    jo sitāra TuuT kar pāmāl hai ab ḳhaak meñ

    ye kabhī tābinda thā jab rahtā thā aflāk meñ

    maiñ to miTTī thī aur miTTī rah jaatī magar

    kūza-gar ke haath meñ thā fusūñ kuchh chaak meñ

    vāqi.a terī sharārat koī yaad aa gayā

    hañs paḌī be-sāḳhta maiñ lamha-e-namnāk meñ

    kaaT do mere paroñ ko rok do merī uḌaan

    bikhre haiñ ḳhvāboñ ke TukḌe is ḳhas-o-ḳhāshāk meñ

    shab ne rañgat ke liye māh-o-aḳhtar ko 'anā'

    dekhiye Tāñkā hai kaise apnī is poshāk meñ

    jo sitara TuT kar pamal hai ab KHak mein

    ye kabhi tabinda tha jab rahta tha aflak mein

    main to miTTi hi thi aur miTTi hi rah jati magar

    kuza-gar ke hath mein ya tha fusun kuchh chaak mein

    waqia teri shararat ka koi yaad aa gaya

    hans paDi be-saKHta main lamha-e-namnak mein

    kaT do mere paron ko rok do meri uDan

    bikhre hain KHwabon ke TukDe is KHas-o-KHashak mein

    shab ne rangat ke liye hi mah-o-aKHtar ko 'ana'

    dekhiye Tanka hai kaise apni is poshak mein

    Source
    • Book : Word File Mail By Salim Saleem
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY