jo suna paDa hai wo dar yaad aaya

jo suunā paḌā hai vo dar yaad aaya

mujhe aaj daadī kā ghar yaad aaya

ghaḌī dekh kar jo bulātī thī mujh ko

mujhe aaj phir vo shajar yaad aaya

vo mūñchhoñ kī raunaq vo shīsham kī lāThī

mujhe aaj vālid kā Dar yaad aaya

bahut koshisheñ kī bhulāne ki us ko

du'ā.eñ bhī māñgīñ magar yaad aaya

sabhī aa.ine ghar ke toḌe haiñ maiñ ne

mujhe aaj vo is qadar yaad aaya

jo suna paDa hai wo dar yaad aaya

mujhe aaj dadi ka ghar yaad aaya

ghaDi dekh kar jo bulati thi mujh ko

mujhe aaj phir wo shajar yaad aaya

wo munchhon ki raunaq wo shisham ki laThi

mujhe aaj walid ka Dar yaad aaya

bahut koshishen ki bhulane ki us ko

du'aen bhi mangin magar yaad aaya

sabhi aaine ghar ke toDe hain main ne

mujhe aaj wo is qadar yaad aaya