jo tabassumon se ho gul-fishan wahi lab hansi ko taras gae

Payam Fatehpuri

jo tabassumon se ho gul-fishan wahi lab hansi ko taras gae

Payam Fatehpuri

MORE BYPayam Fatehpuri

    jo tabassumoñ se ho gul-fishāñ vahī lab hañsī ko taras ga.e

    hamīñ shahryār-e-hayāt the hamīñ zindagī ko taras ga.e

    ye ajiib sub.h-e-bahār hai koī zindagī kiran nahīñ

    hamīñ ḳhāliq-e-mah-o-mehr haiñ hamīñ raushnī ko taras ga.e

    ye chaman hai kaisā chaman jahāñ tahī-dāmanī nasīb hai

    ye bahār kaisī bahār hai ki kalī kalī ko taras ga.e

    na karam na koī itaab hai koī is adā javāb hai

    kabhī dostī ko taras ga.e kabhī dushmanī ko taras ga.e

    vahī manziloñ se bhaTak ga.e na junūñ ke saath jo chal sake

    jo fareb hosh meñ aa ga.e rah-e-āgahī ko taras ga.e

    hai ajab nasīb bhī ishq na vafā milī na jafā milī

    tire iltifāt kyā ḳhabar tirī be-ruḳhī ko taras ga.e

    maiñ 'payām' kāfir-e-ishq huuñ mirī gumrahī bhī hai bandagī

    ki fidā-e-ka.aba-o-dair bhī mirī kāfirī ko taras ga.e

    jo tabassumon se ho gul-fishan wahi lab hansi ko taras gae

    hamin shahryar-e-hayat the hamin zindagi ko taras gae

    ye ajib subh-e-bahaar hai koi zindagi ki kiran nahin

    hamin KHaliq-e-mah-o-mehr hain hamin raushni ko taras gae

    ye chaman hai kaisa chaman jahan tahi-damani hi nasib hai

    ye bahaar kaisi bahaar hai ki kali kali ko taras gae

    na karam na koi itab hai koi is ada ka jawab hai

    kabhi dosti ko taras gae kabhi dushmani ko taras gae

    wahi manzilon se bhaTak gae na junun ke sath jo chal sake

    jo fareb hosh mein aa gae rah-e-agahi ko taras gae

    hai ajab nasib bhi ishq ka na wafa mili na jafa mili

    tere iltifat ki kya KHabar teri be-ruKHi ko taras gae

    main 'payam' kafir-e-ishq hun meri gumrahi bhi hai bandagi

    ki fida-e-kaba-o-dair bhi meri kafiri ko taras gae

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY