jo tere munh se na ho sharmsar aaina

Momin Khan Momin

jo tere munh se na ho sharmsar aaina

Momin Khan Momin

MORE BYMomin Khan Momin

    jo tere muñh se na ho sharmsār ā.īna

    to ruḳh kare sū-e-ā.īna-dār ā.īna

    kahe hai dekh ke ruḳhsār-e-yār ā.īna

    ki is safā.ī pe sadqe nisār ā.īna

    siyāh-rū na kare tark-e-ulfat-e-gulfām

    maiñ bul-havas ko dikhā.ūñ hazār ā.īna

    safā-e-dil kahāñ qadr-e-tīra-rozī meñ

    charāġh-e-sub.h hai shab-hā-e-tār ā.īna

    samajh liyā magar is sabz rañg ko tuutī

    ki hai nazāre ummīd-vār ā.īna

    vo saḳht-jāñ huuñ ki dikhlā.eñ gar dam-e-murdan

    to toḌ de kamar-e-kohsār ā.īna

    muqābil us ruḳh-e-raushan ke khul ga.ī qal.ī

    na Thahrā aag pe sīmāb-vār ā.īna

    samā rahe haiñ magar tere nau-ba-nau jalve

    ki ban gayā hai tilism-e-bahār ā.īna

    shikast-e-rañg pe mastī meñ hañste haiñ ham bhī

    dikhā.eñge unheñ vaqt-e-ḳhumār ā.īna

    mujhe to kahte ho mat dekh merī jānib

    aur aap dekhte ho baar baar ā.īna

    balā hai man-e-vafā nuur uḌ gayā nāseh

    le ke dekh to rañg-e-azār ā.īna

    samajh 'momin' agar nāravā ho ḳhud-bīnī

    to dekheñ kaahe ko parhez-gār ā.īna

    jo tere munh se na ho sharmsar aaina

    to ruKH kare su-e-aina-dar aaina

    kahe hai dekh ke ruKHsar-e-yar aaina

    ki is safai pe sadqe nisar aaina

    siyah-ru na kare tark-e-ulfat-e-gulfam

    main bul-hawas ko dikhaun hazar aaina

    safa-e-dil ki kahan qadr-e-tira-rozi mein

    charagh-e-subh hai shab-ha-e-tar aaina

    samajh liya magar is sabz rang ko tuti

    ki hai nazare ka ummid-war aaina

    wo saKHt-jaan hun ki dikhlaen gar dam-e-murdan

    to toD de kamar-e-kohsar aaina

    muqabil us ruKH-e-raushan ke khul gai qali

    na Thahra aag pe simab-war aaina

    sama rahe hain magar tere nau-ba-nau jalwe

    ki ban gaya hai tilism-e-bahaar aaina

    shikast-e-rang pe masti mein hanste hain hum bhi

    dikhaenge unhen waqt-e-KHumar aaina

    mujhe to kahte ho mat dekh meri jaanib tu

    aur aap dekhte ho bar bar aaina

    bala hai man-e-wafa nur uD gaya naseh

    tu le ke dekh to rang-e-azar aaina

    samajh tu 'momin' agar narawa ho KHud-bini

    to dekhen kahe ko parhez-gar aaina

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY