jo thake thake se the hausle vo shabāb ban ke machal ga.e
vo nazar nazar se gale mile to bujhe charāġh bhī jal ga.e
ye shikast-e-dīd kī karvaTeñ bhī baḌī latīf o jamīl thiiñ
maiñ nazar jhukā ke taḌap gayā vo nazar bachā ke nikal ga.e
na ḳhizāñ meñ hai koī tīrgī na bahār meñ koī raushnī
ye nazar nazar ke charāġh haiñ kahīñ bujh ga.e kahīñ jal ga.e
jo sambhal sambhal ke bahak ga.e vo fareb-ḳhurda-e-rāh the
vo maqām-e-ishq ko pā ga.e jo bahak bahak ke sambhal ga.e
jo khile hue haiñ ravish ravish vo hazār husn-e-chaman sahī
magar un guloñ kā javāb kyā jo qadam qadam pe kuchal ga.e
na hai 'shā.ir' ab ġham-e-nau-ba-nau na vo dāġh-e-dil na vo aarzū
jinheñ e'timād-e-bahār hai vahī phuul rañg badal ga.e
jo thake thake se the hausle wo shabab ban ke machal gae
wo nazar nazar se gale mile to bujhe charagh bhi jal gae
ye shikast-e-did ki karwaTen bhi baDi latif o jamil thin
main nazar jhuka ke taDap gaya wo nazar bacha ke nikal gae
na KHizan mein hai koi tirgi na bahaar mein koi raushni
ye nazar nazar ke charagh hain kahin bujh gae kahin jal gae
jo sambhal sambhal ke bahak gae wo fareb-KHurda-e-rah the
wo maqam-e-ishq ko pa gae jo bahak bahak ke sambhal gae
jo khile hue hain rawish rawish wo hazar husn-e-chaman sahi
magar un gulon ka jawab kya jo qadam qadam pe kuchal gae
na hai 'shair' ab gham-e-nau-ba-nau na wo dagh-e-dil na wo aarzu
jinhen e'timad-e-bahaar hai wahi phul rang badal gae
Videos
This video is playing from YouTube
Mehdi Hasan
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.