jo zehn o dil mein ikaTTha tha aas ka pani
jo zehn o dil meñ ikaTThā thā aas kā paanī
use bhī le gayā saath apne yaas kā paanī
maiñ le ke aayā thā ham-rāh jin ko dariyā tak
vo log pī ga.e merī bhī pyaas kā paanī
kab apne shahr meñ sailāb aane vaalā thā
hameñ Dubo ke gayā ās-pās kā paanī
hazāroñ aib chhupāne ko lag ke duniyā meñ
badan pe rakhte haiñ zarrīñ libās kā paanī
ajiib vaqt hai zāhid ko bhī 'zahīr' ab to
sharāb lagtā hai mere gilās kā paanī
jo zehn o dil mein ikaTTha tha aas ka pani
use bhi le gaya sath apne yas ka pani
main le ke aaya tha ham-rah jin ko dariya tak
wo log pi gae meri bhi pyas ka pani
kab apne shahr mein sailab aane wala tha
hamein Dubo ke gaya aas-pas ka pani
hazaron aib chhupane ko lag ke duniya mein
badan pe rakhte hain zarrin libas ka pani
ajib waqt hai zahid ko bhi 'zahir' ab to
sharab lagta hai mere gilas ka pani
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
