aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

josh-e-junun bhi gardish-e-dauran se kam na tha

Arsh Siddiqui

josh-e-junun bhi gardish-e-dauran se kam na tha

Arsh Siddiqui

MORE BYArsh Siddiqui

    josh-e-junūñ bhī gardish-e-daurāñ se kam na thā

    dil thā to dasht-e-ġham bhī gulistāñ se kam na thā

    rañgīnī-e-jamāl sarhad na thī koī

    aur hausla bhī hīta-e-imkāñ se kam na thā

    kyā kyā basī thiiñ sūrateñ dāmān-e-ḳhvāb meñ

    dasht-e-ḳhayāl shahr-e-nigārāñ se kam na thā

    har aarzū ko apnī nihāyat fikr thī

    bāzār-e-shauq hashr ke maidāñ se kam na thā

    sach hai junūñ raah meñ īmāñ gayā magar

    pās-e-mizāj-e-yār bhī īmāñ se kam na thā

    āvārgī ko vus.at-e-sahrā bhī kam rahī

    dil ko jahān-e-shauq bhī zindāñ se kam na thā

    ham ko na thī junūñ meñ tamīz-e-dimāġh-o-dil

    dāman chaak chāk-e-garebāñ se kam na thā

    apne liye thā bā.is-e-ābādī-e-nazar

    be-sāḳhta gurez jo paimāñ se kam na thā

    dekhā na ham ne yaañ bhī shajar koī sāya-dār

    ya.anī dayār-e-ishq bayābāñ se kam na thā

    mujrim nahīñ the phir bhī satā.e ga.e hamīñ

    qaazī ba-zom-e-ḳhvesh sulaimāñ se kam na thā

    rāhoñ meñ zindagī luTī sab matā-e-hosh

    uljhāo un zulf-e-pareshāñ se kam na thā

    dil par raqam thī ek se ik turfa dāstāñ

    koī bhī zaḳhm 'arsh' dabistāñ se kam na thā

    josh-e-junun bhi gardish-e-dauran se kam na tha

    dil tha to dasht-e-gham bhi gulistan se kam na tha

    rangini-e-jamal ki sarhad na thi koi

    aur hausla bhi hita-e-imkan se kam na tha

    kya kya basi thin suraten daman-e-KHwab mein

    dasht-e-KHayal shahr-e-nigaran se kam na tha

    har aarzu ko apni nihayat ki fikr thi

    bazar-e-shauq hashr ke maidan se kam na tha

    sach hai junun ki rah mein iman gaya magar

    pas-e-mizaj-e-yar bhi iman se kam na tha

    aawargi ko wusat-e-sahra bhi kam rahi

    dil ko jahan-e-shauq bhi zindan se kam na tha

    hum ko na thi junun mein tamiz-e-dimagh-o-dil

    daman ka chaak chaak-e-gareban se kam na tha

    apne liye tha bais-e-abaadi-e-nazar

    be-saKHta gurez jo paiman se kam na tha

    dekha na hum ne yan bhi shajar koi saya-dar

    yani dayar-e-ishq bayaban se kam na tha

    mujrim nahin the phir bhi satae gae hamin

    qazi ba-zom-e-KHwesh sulaiman se kam na tha

    rahon mein zindagi ki luTi sab mata-e-hosh

    uljhao un ka zulf-e-pareshan se kam na tha

    dil par raqam thi ek se ek turfa dastan

    koi bhi zaKHm 'arsh' dabistan se kam na tha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now