juda ho kar zamane se teri jaanib chala aaya
judā ho kar zamāne se tirī jānib chalā aayā
nikal kar maiñ fasāne se tirī jānib chalā aayā
lagā tark-e-ta'alluq se bhulā dūñgā tujhe lekin
maiñ tujh ko bhuul jaane se tirī jānib chalā aayā
akelā maiñ nahīñ har shaḳhs hī hai mubtalā terā
jo tere muskurāne se tirī jānib chalā aayā
haram se dair se aage milā jo āstāñ terā
guzar kar āstāne se tirī jānib chalā aayā
kisī ko mil gayā hai tū binā sabr-o-tahammul ke
koī ḳhud ko miTāne se tirī jānib chalā aayā
juda ho kar zamane se teri jaanib chala aaya
nikal kar main fasane se teri jaanib chala aaya
laga tark-e-ta'alluq se bhula dunga tujhe lekin
main tujh ko bhul jaane se teri jaanib chala aaya
akela main nahin har shaKHs hi hai mubtala tera
jo tere muskurane se teri jaanib chala aaya
haram se dair se aage mila jo aastan tera
guzar kar aastane se teri jaanib chala aaya
kisi ko mil gaya hai tu bina sabr-o-tahammul ke
koi KHud ko miTane se teri jaanib chala aaya
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
