judai se ye dil majbur ho jae to kya kije

judā.ī se ye dil majbūr ho jaa.e to kyā kiije

vo husn-ārā nazar se duur ho jaa.e to kyā kiije

hamārī bekasī ko ik bahāna kah diyā us ne

mohabbat kī nigah be-nūr ho jaa.e to kyā kiije

tumhāre naam kā tamġha sajāyā apne siine par

magar jab 'ishq hī nāsūr ho jaa.e to kyā kiije

hamārī dostī badnām hai un kī nigāhoñ meñ

kisī kī dushmanī manzūr ho jaa.e to kyā kiije

sitam sahne se ghabrātā nahīñ lekin tumhāre haañ

nigāheñ phernā dastūr ho jaa.e to kyā kiije

kamā.ī hai aziyyat ham ne ik be-lutf rishte se

hamārī bebasī mash.hūr ho jaa.e to kyā kiije

use 'ahmad' sukūn-e-dil kī ḳhātir yaad kartā huuñ

magar dil vasvasoñ se chuur ho jaa.e to kyā kiije

judai se ye dil majbur ho jae to kya kije

wo husn-ara nazar se dur ho jae to kya kije

hamari bekasi ko ek bahana kah diya us ne

mohabbat ki nigah be-nur ho jae to kya kije

tumhaare nam ka tamgha sajaya apne sine par

magar jab 'ishq hi nasur ho jae to kya kije

hamari dosti badnam hai un ki nigahon mein

kisi ki dushmani manzur ho jae to kya kije

sitam sahne se ghabraata nahin lekin tumhaare han

nigahen pherna dastur ho jae to kya kije

kamai hai aziyyat hum ne ek be-lutf rishte se

hamari bebasi mashhur ho jae to kya kije

use 'ahmad' sukun-e-dil ki KHatir yaad karta hun

magar dil waswason se chur ho jae to kya kije