jumbish mein zulf-e-pur-shikan ek is taraf ek us taraf

jumbish meñ zulf-e-pur-shikan ek is taraf ek us taraf

gardish meñ chashm-e-sehr-e-fan ek is taraf ek us taraf

aariz pe zulf-e-pur-shikan ek is taraf ek us taraf

haiñ aaj do sūraj-gahan ek is taraf ek us taraf

matlab ishāroñ se kahā maiñ in ishāroñ ke fidā

āñkheñ bhī haiñ garm-e-suḳhan ek is taraf ek us taraf

jis dam sikandar mar gayā hāl-e-tahī-dastī khulā

the haath bairūn-e-kafan ek is taraf ek us taraf

jā.egā do ho kar ye dil aadhā idhar aadhā udhar

khīñchegī zulf-e-pur-shikan ek is taraf ek us taraf

ġhairoñ se khel khelo na tum kar deñge rusvā hashr meñ

haiñ do farishte jān-e-man ek is taraf ek us taraf

aariz pe simTe ḳhud-ba-ḳhud zulfoñ ke ghūñgar vaale baal

hai nāfa-e-mushk-e-ḳhutan ek is taraf ek us taraf

shīrīñ kā ḳhvāhāñ hashr meñ ḳhusrav bhī hai farhād bhī

khīñcheñge donoñ pairahan ek is taraf ek us taraf

ghūñgaT jo gāloñ se uThā tār-e-nazāra jal gayā

sūraj the do jalva-figan ek is taraf ek us taraf

qātil idhar jarrāh udhar maiñ nīm-bismil ḳhaak par

ik tīr-e-kash ik tīr-e-zan ek is taraf ek us taraf

āñkhoñ ke andar jaa.e ġhair āñkhoñ ke uupar hai naqāb

ḳhalvat meñ haiñ do anjuman ek is taraf ek us taraf

vo hāthā-pā.ī ham ne kī bistar pe TuuTe aur gire

baazū ke donoñ nau-ratan ek is taraf ek us taraf

pesh-e-ḳhudā roz-e-jazā maiñ bhī huuñ chup qātil bhī chup

goyā khaḌe haiñ be-dahan ek is taraf ek us taraf

ruḳhsār par ḳhat kā nishāñ gul par huā sabza ayaañ

haiñ donoñ aariz do chaman ek is taraf ek us taraf

kāfir bhī huuñ momin bhī huuñ jalnā bhī hai gaḌnā bhī hai

khīñcheñge shaiḳh-o-barhaman ek is taraf ek us taraf

ghabrā na jaa.eñ dil-jigar hai band turbat meñ havā

pañkhe hoñ do nazd-e-kafan ek is taraf ek us taraf

yārab uThūñ jab qabr se do but raheñ ham-rah mire

ġhārat-gar-e-hindu-o-dakan ek is taraf ek us taraf

kahte haiñ anmol us ko sab kahte haiñ kuchh gol us ko sab

kyā chiiz hai ai jān-e-man ek is taraf ek us taraf

jannat kī hūreñ aa.iiñ haiñ 'mā.il' dabāne mere paañv

baiThī haiñ nazdīk-e-kafan ek is taraf ek us taraf

jumbish mein zulf-e-pur-shikan ek is taraf ek us taraf

gardish mein chashm-e-sehr-e-fan ek is taraf ek us taraf

aariz pe zulf-e-pur-shikan ek is taraf ek us taraf

hain aaj do suraj-gahan ek is taraf ek us taraf

matlab ishaaron se kaha main in ishaaron ke fida

aankhen bhi hain garm-e-suKHan ek is taraf ek us taraf

jis dam sikandar mar gaya haal-e-tahi-dasti khula

the hath bairun-e-kafan ek is taraf ek us taraf

jaega do ho kar ye dil aadha idhar aadha udhar

khinchegi zulf-e-pur-shikan ek is taraf ek us taraf

ghairon se khel khelo na tum kar denge ruswa hashr mein

hain do farishte jaan-e-man ek is taraf ek us taraf

aariz pe simTe KHud-ba-KHud zulfon ke ghungar wale baal

hai nafa-e-mushk-e-KHutan ek is taraf ek us taraf

shirin ka KHwahan hashr mein KHusraw bhi hai farhad bhi

khinchenge donon pairahan ek is taraf ek us taraf

ghungaT jo galon se uTha tar-e-nazara jal gaya

suraj the do jalwa-figan ek is taraf ek us taraf

qatil idhar jarrah udhar main nim-bismil KHak par

ek tir-e-kash ek tir-e-zan ek is taraf ek us taraf

aankhon ke andar jae ghair aankhon ke upar hai naqab

KHalwat mein hain do anjuman ek is taraf ek us taraf

wo hatha-pai hum ne ki bistar pe TuTe aur gire

bazu ke donon nau-ratan ek is taraf ek us taraf

pesh-e-KHuda roz-e-jaza main bhi hun chup qatil bhi chup

goya khaDe hain be-dahan ek is taraf ek us taraf

ruKHsar par KHat ka nishan gul par hua sabza ayan

hain donon aariz do chaman ek is taraf ek us taraf

kafir bhi hun momin bhi hun jalna bhi hai gaDna bhi hai

khinchenge shaiKH-o-barhaman ek is taraf ek us taraf

ghabra na jaen dil-jigar hai band turbat mein hawa

pankhe hon do nazd-e-kafan ek is taraf ek us taraf

yarab uThun jab qabr se do but rahen ham-rah mere

ghaarat-gar-e-hindu-o-dakan ek is taraf ek us taraf

kahte hain anmol us ko sab kahte hain kuchh gol us ko sab

kya chiz hai ai jaan-e-man ek is taraf ek us taraf

jannat ki huren aain hain 'mail' dabane mere panw

baiThi hain nazdik-e-kafan ek is taraf ek us taraf