junun baghair kabhi aagahi nahin hoti

junūñ baġhair kabhī āgahī nahīñ hotī

jale na sham.a to kuchh raushnī nahīñ hotī

vo sajda sajda nahīñ jis meñ hosh baaqī ho

ba-qaid-e-hosh jo ho bandagī nahīñ hotī

qabā-e-husn kī tābish agar ho āñkhoñ meñ

bashar ke dil meñ kabhī tīrgī nahīñ hotī

qadam qadam pe jo khaa.e fareb hastī kā

us aadmī kī koī zindagī nahīñ hotī

rumūz-e-zīst se vāqif huā hai jo insāñ

baqā-e-zīst kī us ko ḳhushī nahīñ hotī

bashar ke vāste lāzim hai jazba-e-ulfat

chaman meñ gul na ho to zindagī nahīñ hotī

bashar kā azm nikhartā hai mushkiloñ hī meñ

alam na jis meñ ho vo zindagī nahīñ hotī

isī umiid pe 'hamdam' gunāh kartā huuñ

ḳhudā ke ghar meñ karam kī kamī nahīñ hotī

junun baghair kabhi aagahi nahin hoti

jale na shama to kuchh raushni nahin hoti

wo sajda sajda nahin jis mein hosh baqi ho

ba-qaid-e-hosh jo ho bandagi nahin hoti

qaba-e-husn ki tabish agar ho aankhon mein

bashar ke dil mein kabhi tirgi nahin hoti

qadam qadam pe jo khae fareb hasti ka

us aadmi ki koi zindagi nahin hoti

rumuz-e-zist se waqif hua hai jo insan

baqa-e-zist ki us ko KHushi nahin hoti

bashar ke waste lazim hai jazba-e-ulfat

chaman mein gul na ho to zindagi nahin hoti

bashar ka azm nikharta hai mushkilon hi mein

alam na jis mein ho wo zindagi nahin hoti

isi umid pe 'hamdam' gunah karta hun

KHuda ke ghar mein karam ki kami nahin hoti