جنوں سکون خرد اضطراب چاہتی ہے
جنوں سکون خرد اضطراب چاہتی ہے
طبیعت آج نیا انقلاب چاہتی ہے
نہ آج تیری نظر سے برس رہا ہے نشہ
نہ میری تشنہ لبی ہی شراب چاہتی ہے
نہیں سرور مسلسل نباہ پر موقوف
مدام آنکھ کہاں لطف خواب چاہتی ہے
سنا رہا ہوں فسانہ تری محبت کا
یہ کائنات عمل کا حساب چاہتی ہے
وہ عزم ہائے سفر لا زوال ہوتے ہیں
حیات موت کو جب ہم رکاب چاہتی ہے
جھلس رہا ہے بدن دھوپ میں جوانی کی
یہ آگ زلف کا گہرا سحاب چاہتی ہے
حریف حسن و محبت ہو دیر تک شوکتؔ
نگار عمر وہ عہد شباب چاہتی ہے
مأخذ:
ذوق خامہ (Pg. 47)
- مصنف: شوکت واسطی
-
- ناشر: کتابستان پبلشنگ کمپنی، لاہور
- سن اشاعت: 1975
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
