jun hi zanjir ke pas aae panw

juuñ hī zanjīr ke paas aa.e paañv

dekh us ko mire tharrā.e paañv

ḳhat kā laayā na udhar se vo javāb

yūñhī qāsid ke maiñ thakvā.e paañv

bad-gumānī na ho āshiq kī ziyād

us ne shab ġhair se dabvā.e paañv

haath se yaar kā dāman de kar

har taraf phirte haiñ ghabrā.e paañv

najd kā dekh ke sahrā-e-vasī.a

aate hī qais ne phailā.e paañv

ḳhush-ḳhirāmī hai sanam! tujh par ḳhatm

kabk o tuutī ne ye kab paa.e paañv

tū to sotā rahā āshiq ne tire

raat bhar āñkhoñ se sahlā.e paañv

mujh musāfir ke kisī ne hargiz

garm paanī se na dhulvā.e paañv

'mus.hafī' ham ko tarab se kyā kaam

baiThe haiñ gor meñ laTkā.e paañv

jun hi zanjir ke pas aae panw

dekh us ko mere tharrae panw

KHat ka laya na udhar se wo jawab

yunhi qasid ke main thakwae panw

bad-gumani na ho aashiq ki ziyaad

us ne shab ghair se dabwae panw

hath se yar ka daman de kar

har taraf phirte hain ghabrae panw

najd ka dekh ke sahra-e-wasia

aate hi qais ne phailae panw

KHush-KHirami hai sanam! tujh par KHatm

kabk o tuti ne ye kab pae panw

tu to sota raha aashiq ne tere

raat bhar aankhon se sahlae panw

mujh musafir ke kisi ne hargiz

garm pani se na dhulwae panw

'mushafi' hum ko tarab se kya kaam

baiThe hain gor mein laTkae panw