kabe se mujhko lae sawad-e-kunisht mein

Muneer Shikohabadi

kabe se mujhko lae sawad-e-kunisht mein

Muneer Shikohabadi

MORE BYMuneer Shikohabadi

    ka.abe se mujh ko laa.e savād-e-kunisht meñ

    islāh butoñ ne ḳhat-e-sar-navisht meñ

    phirte haiñ kūcha-e-but-e-qudsī-sarisht meñ

    dīvāne lāteñ maar rahe bahisht meñ

    kaffāra-e-sharāb maiñ detā huuñ naqd-e-hosh

    sargarm huuñ talāfī-e-a.amāl-e-zisht meñ

    aksar jazā-e-sajda meñ khānī haiñ Thokareñ

    likkhā hai kyā ḳhat-e-kaf-e-pā sarnavisht meñ

    hūroñ se garmiyāñ jo kahūñ us sharīr

    lag jaa.e aag ātish-e-gul se bahisht meñ

    suntī hai roz naġhma-e-zanjīr-e-āshiqāñ

    vo zulf bhī hai silsila-e-ahl-e-chisht meñ

    zindāñ se āñkheñ señkne us gul ke ghar ga.e

    dozaḳh se aag lene chale ham bahisht meñ

    begāne ik hamīñ nazar aa.e pas-e-fanā

    bedardoñ hujūm hai bāġh-e-bahisht meñ

    but-ḳhāne meñ safedī-e-husn-e-farañg hai

    girje raushnī hai savād-e-kunisht meñ

    jal jal ke ḳhaak hote haiñ be-ashk-o-āh ham

    āb-o-havā nahīñ hai hamārī sarisht meñ

    garmī meñ tere kūcha-nashīnoñ ke vāste

    pañkhe haiñ qudsiyoñ ke paroñ ke bahisht meñ

    sonā kasā.ūñ ashrafī-e-dāġh-e-sajda

    sañg-e-mahak lagā.ūñ binā-e-kunisht meñ

    bijlī chamak ga.ī jo hañsī meñ phaḌak ga.e

    shoḳhī bharī huī hai tumhārī sarisht meñ

    tasvīreñ terī dast-e-hinā.ī le ga.e

    chhāpe lahū ke ham ne lagā.e bahisht meñ

    kartī haiñ ḳhuun charḳh butoñ ta.alliyāñ

    rañg-e-shafaq lagātī hai saqf-e-kunisht meñ

    abr-e-bahār jauhar-e-shamshīr-e-yār the

    gulhā-e-zaḳhm khil ga.e urdī-bahisht meñ

    taqdīr meñ hai terī dahān-o-kamar ishq

    sirr-e-nihāñ likhā hai mirī sarnavisht meñ

    jaan ek huur ke bose chaaT par

    qismat ne mujh ko zahr diyā hai bahisht meñ

    choroñ se guftugū-e-ḳhat-e-sabz-e-yār hai

    tuutī kisī bol rahā hai bahisht meñ

    adnā ġhulām-e-shāh-e-vilāyat hue 'munīr'

    dasht-e-najaf ḳhaak hai merī sarisht meñ

    kabe se mujh ko lae sawad-e-kunisht mein

    islah di buton ne KHat-e-sar-nawisht mein

    phirte hain kucha-e-but-e-qudsi-sarisht mein

    diwane laten mar rahe bahisht mein

    kaffara-e-sharab main deta hun naqd-e-hosh

    sargarm hun talafi-e-amal-e-zisht mein

    aksar jaza-e-sajda mein khani hain Thokaren

    likkha hai kya KHat-e-kaf-e-pa sarnawisht mein

    huron se garmiyan jo kahun us sharir ki

    lag jae aag aatish-e-gul se bahisht mein

    sunti hai roz naghma-e-zanjir-e-ashiqan

    wo zulf bhi hai silsila-e-ahl-e-chisht mein

    zindan se aankhen senkne us gul ke ghar gae

    dozaKH se aag lene chale hum bahisht mein

    begane ek hamin nazar aae pas-e-fana

    bedardon ka hujum hai bagh-e-bahisht mein

    but-KHane mein safedi-e-husn-e-farang hai

    girje ki raushni hai sawad-e-kunisht mein

    jal jal ke KHak hote hain be-ashk-o-ah hum

    aab-o-hawa nahin hai hamari sarisht mein

    garmi mein tere kucha-nashinon ke waste

    pankhe hain qudsiyon ke paron ke bahisht mein

    sona kasaun ashrafi-e-dagh-e-sajda ka

    sang-e-mahak lagaun bina-e-kunisht mein

    bijli chamak gai jo hansi mein phaDak gae

    shoKHi bhari hui hai tumhaari sarisht mein

    taswiren teri dast-e-hinai ki le gae

    chhape lahu ke hum ne lagae bahisht mein

    karti hain KHun charKH buton ki talliyan

    rang-e-shafaq lagati hai saqf-e-kunisht mein

    abr-e-bahaar jauhar-e-shamshir-e-yar the

    gulha-e-zaKHm khil gae urdi-bahisht mein

    taqdir mein hai teri dahan-o-kamar ka ishq

    sirr-e-nihan likha hai meri sarnawisht mein

    di jaan ek hur ke bose ki chaT par

    qismat ne mujh ko zahr diya hai bahisht mein

    choron se guftugu-e-KHat-e-sabz-e-yar hai

    tuti kisi ka bol raha hai bahisht mein

    adna ghulam-e-shah-e-wilayat hue 'munir'

    dasht-e-najaf ki KHak hai meri sarisht mein

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY