kaam aaKHir jazba-e-be-iKHtiyar aa hi gaya

Jigar Moradabadi

kaam aaKHir jazba-e-be-iKHtiyar aa hi gaya

Jigar Moradabadi

MORE BYJigar Moradabadi

    kaam āḳhir jazba-e-be-iḳhtiyār aa gayā

    dil kuchh is sūrat se taḌpā un ko pyaar aa gayā

    jab nigāheñ uTh ga.iiñ allāh-rī merāj-shauq

    dekhtā kyā huuñ vo jān-e-intizār aa gayā

    haa.e ye husn-e-tasavvur fareb-e-rañg-o-bū

    maiñ ye samjhā jaise vo jān-e-bahār aa gayā

    haañ sazā de ai ḳhudā-e-ishq ai taufīq-e-ġham

    phir zabān-e-be-adab par zikr yaar aa gayā

    is tarah ḳhush huuñ kisī ke vāda-e-fardā pe maiñ

    dar-haqīqat jaise mujh ko e'tibār aa gayā

    haa.e kāfir-dil ye kāfir junūñ-añgeziyāñ

    tum ko pyaar aa.e na aa.e mujh ko pyaar aa gayā

    dard ne karvaT badlī thī ki dil aaḌ se

    daf.atan parda uThā aur parda-dār aa gayā

    dil ne ik naala kiyā aaj is tarah dīvāna-vār

    baal bikhrā.e koī msatānā-vār aa gayā

    jaan de 'jigar' ne aaj pā-e-yār par

    umr bhar be-qarārī ko qarār aa gayā

    kaam aaKHir jazba-e-be-iKHtiyar aa hi gaya

    dil kuchh is surat se taDpa un ko pyar aa hi gaya

    jab nigahen uTh gain allah-ri meraj-shauq

    dekhta kya hun wo jaan-e-intizar aa hi gaya

    hae ye husn-e-tasawwur ka fareb-e-rang-o-bu

    main ye samjha jaise wo jaan-e-bahaar aa hi gaya

    han saza de ai KHuda-e-ishq ai taufiq-e-gham

    phir zaban-e-be-adab par zikr yar aa hi gaya

    is tarah KHush hun kisi ke wada-e-farda pe main

    dar-haqiqat jaise mujh ko e'tibar aa hi gaya

    hae kafir-dil ki ye kafir junun-angeziyan

    tum ko pyar aae na aae mujh ko pyar aa hi gaya

    dard ne karwaT hi badli thi ki dil ki aaD se

    dafatan parda uTha aur parda-dar aa hi gaya

    dil ne ek nala kiya aaj is tarah diwana-war

    baal bikhrae koi msatana-war aa hi gaya

    jaan hi de di 'jigar' ne aaj pa-e-yar par

    umr bhar ki be-qarari ko qarar aa hi gaya

    Videos
    This video is playing from YouTube

    Videos
    This video is playing from YouTube

    Mehdi Hasan

    Mehdi Hasan

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY