kaam achchhe bure anjam diye hain maine

kaam achchhe bure anjām diye haiñ maiñ ne

aur phir yaar ko ilzām diye haiñ maiñ ne

vo jo tujh tak kabhī pahuñchīñ na pahuñch pā.eñgī

un havāoñ ko bhī paiġhām diye haiñ maiñ ne

āj-kal is ko mohabbat bhī kahā jaatā hai

apnī vahshat ko ka.ī naam diye haiñ maiñ ne

log apnī hī kahānī na samajh leñ is ko

so havāle sabhī gumnām diye haiñ maiñ ne

yaar 'tarkash' tū mire sāmne ab saadh na ban

apne hāthoñ se tujhe jaam diye haiñ maiñ ne

kaam achchhe bure anjam diye hain main ne

aur phir yar ko ilzam diye hain main ne

wo jo tujh tak kabhi pahunchin na pahunch paengi

un hawaon ko bhi paigham diye hain main ne

aaj-kal is ko mohabbat bhi kaha jata hai

apni wahshat ko kai nam diye hain main ne

log apni hi kahani na samajh len is ko

so hawale sabhi gumnam diye hain main ne

yar 'tarkash' tu mere samne ab sadh na ban

apne hathon se tujhe jam diye hain main ne