kaam anjam diye sab se nirale humne

kaam anjām diye sab se nirāle ham ne

mom se hāthoñ meñ angāre uchhāle ham ne

ek din bhuuk ne ġhurbat kā tamāsha dekhā

ek din paanī meñ patthar jo ubāle ham ne

ham ne ḳhud se bhī ġhulāmoñ sā ravayya rakhā

shāhzādī tire ahkām na Taale ham ne

dil ko mahfūz kiyā vahshat-o-vīrānī se

ḳhud haTā.e haiñ tirī yaad ke jaale ham ne

ham se saa.il kī musībat nahīñ dekhī jaatī

bhiik meñ de diye sūraj ko ujāle ham ne

baañT dī un ke tavassul se hī ḳhāroñ ko ġhizā

kaam meñ le hī liye paañv ke chhāle ham ne

haath phailā.e nahīñ ġhair ke darvāze par

tujh se ummīd rakhī pālne vaale ham ne

kaam anjam diye sab se nirale hum ne

mom se hathon mein angare uchhaale hum ne

ek din bhuk ne ghurbat ka tamasha dekha

ek din pani mein patthar jo ubaale hum ne

hum ne KHud se bhi ghulamon sa rawayya rakha

shahzadi tere ahkaam na Tale hum ne

dil ko mahfuz kiya wahshat-o-virani se

KHud haTae hain teri yaad ke jale hum ne

hum se sail ki musibat nahin dekhi jati

bhik mein de diye suraj ko ujale hum ne

banT di un ke tawassul se hi KHaron ko ghiza

kaam mein le hi liye panw ke chhaale hum ne

hath phailae nahin ghair ke darwaze par

tujh se ummid rakhi palne wale hum ne