kaam kuchh bhi nahin tha karne ko

kaam kuchh bhī nahīñ thā karne ko

ham ko bhejā gayā hai marne ko

tum jo simTe hue se rahte ho

yā'nī betāb ho bikharne ko

aa.ina dekhte nahīñ apnā

aur aa jaate haiñ sañvarne ko

jis ko dariyā meñ mauj aane lage

vo kahāñ chāhe paar utarne ko

ham ne bhī 'ishq yuuñ qubūl kiyā

ek ilzām sar pe dharne ko

na vo izn-e-safar hī detā hai

na mujhe kahtā hai Thaharne ko

merī sochoñ meñ she'r kī bābat

shakl sī hai koī ubharne ko

kaam kuchh bhi nahin tha karne ko

hum ko bheja gaya hai marne ko

tum jo simTe hue se rahte ho

ya'ni betab ho bikharne ko

aaina dekhte nahin apna

aur aa jate hain sanwarne ko

jis ko dariya mein mauj aane lage

wo kahan chahe par utarne ko

hum ne bhi 'ishq yun qubul kiya

ek ilzam sar pe dharne ko

na wo izn-e-safar hi deta hai

na mujhe kahta hai Thaharne ko

meri sochon mein she'r ki babat

shakl si hai koi ubharne ko