kaam uljha hua ho jata hai aasan mera

kaam uljhā huā ho jaatā hai āsān mirā

pakḌā jaatā hai kahīñ jaatā huā dhyān mirā

jis samay sar mirā aflāk se Takrāyā thā

ḳhaak par paañv paḌā thā usī daurān mirā

tujh tak aayā huuñ 'ajab be-sar-o-sāmānī meñ

rāste meñ kahīñ badlā gayā sāmān mirā

tere bāzāroñ meñ hotā huuñ to yuuñ hotā huuñ

varna itnā bhī tamāsha nahīñ āsān mirā

kuchh bhī sābit nahīñ hotā na huzūrī na ġhayāb

aa.e din aayā hī rah jaatā hai tūfān mirā

duur sīnoñ se guzartī huī miTTī kī lakīr

yahāñ qaabū meñ nahīñ ḳhatt-e-bayābān mirā

kaam uljha hua ho jata hai aasan mera

pakDa jata hai kahin jata hua dhyan mera

jis samay sar mera aflak se Takraya tha

KHak par panw paDa tha usi dauran mera

tujh tak aaya hun 'ajab be-sar-o-samani mein

raste mein kahin badla gaya saman mera

tere bazaron mein hota hun to yun hota hun

warna itna bhi tamasha nahin aasan mera

kuchh bhi sabit nahin hota na huzuri na ghayab

aae din aaya hi rah jata hai tufan mera

dur sinon se guzarti hui miTTi ki lakir

yahan qabu mein nahin KHatt-e-bayaban mera