kar-e-ahl-e-wafa jehd-o-taslim hai hum bhi taslim mein kya tammul karen

kār-e-ahl-e-vafā jehd-o-taslīm hai ham bhī taslīm meñ kyā ta.ammul kareñ

zaat ke dasht kitne hī darpesh haiñ kyā kareñge agar phir tasāhul kareñ

ai sarīr-e-qalam ai zamīr-e-jahāñ aap apnī zabāñ meñ jo likhnā ho likh

kitne ahvāl haiñ nā-navishta abhī kyā munāsib hai un se taġhāful kareñ

ham pareshān-o-āshufta logoñ meñ bhī ik zamāna huā ek dhīraj sā thā

ab to ham aise logoñ kī ḳhvāhish bhī hai kū-o-barzan meñ jā tā-ba-shab ġhul kareñ

mere alfāz meñ merā ḳhūn-e-jigar kaise kaise jhalaktā hai dekheñ kabhī

sāz-e-ishq-o-havas go ham-āhañg haiñ phir bhī ishq-o-havas meñ taqābul kareñ

ab to ahl-e-hunar ek hī rāsta aap aisoñ kī ḳhātir khulā hai abhī

har atā-e-zamāñ par tashakkur kareñ har jafā-e-jahāñ kā tahammul kareñ

kahnā sunñā bhī ik vaz-e-tahzīb hai kahne sunñe meñ naqs-e-marātib nahīñ

ik zarā chup raheñ ham bhī gulzār meñ pās-e-rasm-e-hikāyāt-e-bulbul kareñ

TūTtī haiñ ravāyāt-e-mīnā-o-mai kyā kareñge evaz meñ maqāmāt ke

ahl-e-tadbīr abhī vaqt-e-tadbīr hai aa.eñ aur ehtimām-e-tasalsul kareñ

vo jo arbāb-e-dānish haiñ un ke liye ik nisāb-e-amal sūjhtā hai mujhe

kyā haiñ vo aur kyā hai ye nazm-e-jahāñ kuchh tafakkur kareñ kuchh ta.ammul kareñ

kar-e-ahl-e-wafa jehd-o-taslim hai hum bhi taslim mein kya tammul karen

zat ke dasht kitne hi darpesh hain kya karenge agar phir tasahul karen

ai sarir-e-qalam ai zamir-e-jahan aap apni zaban mein jo likhna ho likh

kitne ahwal hain na-nawishta abhi kya munasib hai un se taghaful karen

hum pareshan-o-ashufta logon mein bhi ek zamana hua ek dhiraj sa tha

ab to hum aise logon ki KHwahish bhi hai ku-o-barzan mein ja ta-ba-shab ghul karen

mere alfaz mein mera KHun-e-jigar kaise kaise jhalakta hai dekhen kabhi

saz-e-ishq-o-hawas go ham-ahang hain phir bhi ishq-o-hawas mein taqabul karen

ab to ahl-e-hunar ek hi rasta aap aison ki KHatir khula hai abhi

har ata-e-zaman par tashakkur karen har jafa-e-jahan ka tahammul karen

kahna sunna bhi ek waz-e-tahzib hai kahne sunne mein naqs-e-maraatib nahin

ek zara chup rahen hum bhi gulzar mein pas-e-rasm-e-hikayat-e-bulbul karen

TuTti hain rawayat-e-mina-o-mai kya karenge ewaz mein maqamat ke

ahl-e-tadbir abhi waqt-e-tadbir hai aaen aur ehtimam-e-tasalsul karen

wo jo arbab-e-danish hain un ke liye ek nisab-e-amal sujhta hai mujhe

kya hain wo aur kya hai ye nazm-e-jahan kuchh tafakkur karen kuchh tammul karen