kar-gah-e-duniya ki nesti bhi hasti hai

Yagana Changezi

kar-gah-e-duniya ki nesti bhi hasti hai

Yagana Changezi

MORE BYYagana Changezi

    kār-gāh-e-duniyā nestī bhī hastī hai

    ik taraf ujaḌtī hai ek samt bastī hai

    be-diloñ hastī kyā jiite haiñ na marte haiñ

    ḳhvāb hai na bedārī hosh hai na mastī hai

    kyā batā.ūñ kyā huuñ maiñ qudrat-e-ḳhudā huuñ maiñ

    merī ḳhud-parastī bhī ain haq-parastī hai

    kīmiyā-e-dil kyā hai ḳhaak hai magar kaisī

    lījiye to mahñgī hai bechiye to sastī hai

    ḳhizr-e-manzil apnā huuñ apnī raah chaltā huuñ

    mere haal par duniyā kyā samajh ke hañstī hai

    kyā kahūñ safar apnā ḳhatm kyuuñ nahīñ hotā

    fikr bulandī hausle pastī hai

    husn-e-be-tamāshā dhuum kyā muammā hai

    kaan bhī haiñ nā-mahram aañkh bhī tarastī hai

    chitvanoñ se miltā hai kuchh surāġh bātin

    chaal se to kāfir par sādgī barastī hai

    tark-e-lazzat-e-duniyā kījiye to kis dil se

    zauq-e-pārsā.ī kyā faiz-e-tañg-dastī hai

    dīdanī hai 'yās' apne ranj o ġham tuġhyānī

    jhuum jhuum kar kyā kyā ye ghaTā barastī hai

    kar-gah-e-duniya ki nesti bhi hasti hai

    ek taraf ujaDti hai ek samt basti hai

    be-dilon ki hasti kya jite hain na marte hain

    KHwab hai na bedari hosh hai na masti hai

    kya bataun kya hun main qudrat-e-KHuda hun main

    meri KHud-parasti bhi ain haq-parasti hai

    kimiya-e-dil kya hai KHak hai magar kaisi

    lijiye to mahngi hai bechiye to sasti hai

    KHizr-e-manzil apna hun apni rah chalta hun

    mere haal par duniya kya samajh ke hansti hai

    kya kahun safar apna KHatm kyun nahin hota

    fikr ki bulandi ya hausle ki pasti hai

    husn-e-be-tamasha ki dhum kya muamma hai

    kan bhi hain na-mahram aankh bhi tarasti hai

    chitwanon se milta hai kuchh suragh baatin ka

    chaal se to kafir par sadgi barasti hai

    tark-e-lazzat-e-duniya kijiye to kis dil se

    zauq-e-parsai kya faiz-e-tang-dasti hai

    didani hai 'yas' apne ranj o gham ki tughyani

    jhum jhum kar kya kya ye ghaTa barasti hai

    RECITATIONS

    Fasih Akmal

    Fasih Akmal,

    Fasih Akmal

    kar-gah-e-duniya ki nesti bhi hasti hai Fasih Akmal

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now