kash us but ko bhi hum waqf-e-tamanna dekhen

Urooj Zaidi Badayuni

kash us but ko bhi hum waqf-e-tamanna dekhen

Urooj Zaidi Badayuni

MORE BYUrooj Zaidi Badayuni

    kaash us but ko bhī ham vaqf-e-tamannā dekheñ

    barf sil se nikaltā huā sho.ala dekheñ

    jin ko manzil-talabī meñ ho talāsh-e-rahbar

    rahnumā.ī ko mire naqsh-e-kaf-e-pā dekheñ

    paañv roñdī huī ḳhaak hai apne sar par

    ham ne chāhā thā ki aalam tah-o-bālā dekheñ

    narm aur garam-nigāhī pe nahīñ apnī nazar

    tere hote tirā andāz-e-nazar kyā dekheñ

    apnā ġham bhī ġham-e-duniyā ke barābar hai 'urūj'

    apnā ġham bhuul sakeñ to ġham-e-duniyā dekheñ

    kash us but ko bhi hum waqf-e-tamanna dekhen

    barf ki sil se nikalta hua shoala dekhen

    jin ko manzil-talabi mein ho talash-e-rahbar

    rahnumai ko mere naqsh-e-kaf-e-pa dekhen

    panw ki rondi hui KHak hai apne sar par

    hum ne chaha tha ki aalam tah-o-baala dekhen

    narm aur garam-nigahi pe nahin apni nazar

    tere hote tera andaz-e-nazar kya dekhen

    apna gham bhi gham-e-duniya ke barabar hai 'uruj'

    apna gham bhul saken to gham-e-duniya dekhen

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY