kaT kar nabz ko bahta hua dariya dekhe

kaaT kar nabz ko bahtā huā dariyā dekhe

'ishq meñ kaise koī ḳhud ko taḌaptā dekhe

vo mujhe chhoḌ ke ġhairoñ se vafā karne lagā

kaun mahbūb ko is tarh badaltā dekhe

kirmak-e-tasht-e-falak tum use jā kar kah do

mujh se gar 'ishq nahīñ to mujhe martā dekhe

ruḳh pe muskān liye dil meñ ġhamoñ kā maskan

yuuñ shab-o-roz mujhe kaun bikhartā dekhe

jis kā dil Tuut gayā us ko milī tanhā.ī

ġham ke māroñ ko bhalā kaun sañvartā dekhe

hāl-e-ġham apnā raqam kar nahīñ saktā nāseh

bas ḳhudā hai jo mire dil ko sisaktā dekhe

zindagī meñ mujhe 'rahbar' sī de shohrat yā-rab

mujh pe hañstā hai jo vo mujh ko bhī hañstā dekhe

kaT kar nabz ko bahta hua dariya dekhe

'ishq mein kaise koi KHud ko taDapta dekhe

wo mujhe chhoD ke ghairon se wafa karne laga

kaun mahbub ko is tarh badalta dekhe

kirmak-e-tasht-e-falak tum use ja kar kah do

mujh se gar 'ishq nahin to mujhe marta dekhe

ruKH pe muskan liye dil mein ghamon ka maskan

yun shab-o-roz mujhe kaun bikharta dekhe

jis ka dil Tut gaya us ko mili tanhai

gham ke maron ko bhala kaun sanwarta dekhe

haal-e-gham apna raqam kar nahin sakta naseh

bas KHuda hai jo mere dil ko sisakta dekhe

zindagi mein mujhe 'rahbar' si de shohrat ya-rab

mujh pe hansta hai jo wo mujh ko bhi hansta dekhe