kab apni KHushi se wo aae hue hain

Taashshuq Lakhnavi

kab apni KHushi se wo aae hue hain

Taashshuq Lakhnavi

MORE BYTaashshuq Lakhnavi

    kab apnī ḳhushī se vo aa.e hue haiñ

    mire jazb-e-dil ke bulā.e hue haiñ

    kajī par jo aflāk aa.e hue haiñ

    un āñkhoñ ke shāyad sikhā.e hue haiñ

    kabhī to shahīdoñ qabroñ pe aao

    ye sab ghar tumhāre basā.e hue haiñ

    kiyā hai jo kuchh zikr mujh dil-jale

    pasīne meñ bilkul nahā.e hue haiñ

    zarā phuul se paañv maile na hoñge

    tum aao ham āñkheñ bichhā.e hue haiñ

    kahīñ ḳhaak bhī ab na baiThegī apnī

    ki un galī se uThā.e hue haiñ

    giregā zamīñ pe na ḳhūn-e-shahīdāñ

    abas aap dāman uThā.e hue haiñ

    faqat paas hai un ke tīr-e-nigah

    jo siine se dil ko lagā.e hue haiñ

    janāza mirā dosto kal uThānā

    ki vo aaj mehñdī lagā.e hue haiñ

    unheñ paas hai dil hamārā muqarrar

    vahī ham se āñkheñ churā.e hue haiñ

    jo hai ghar ke andar vahī ghar ke bāhar

    vo āñkhoñ meñ dil meñ samā.e hue haiñ

    mere ba.ad jaane ke utreñge kyūñ-kar

    ye kapḌe jo mere pinhā.e hue haiñ

    na ho sabza-rañgoñ meñ kyuuñ un shohrat

    mire qatl par zahr khaa.e hue haiñ

    mire ḳhat ke purze uḌaa.e unhoñ ne

    kisī ke sikhā.e paḌhā.e hue haiñ

    ḳhudā zulf se dil jigar ko bachā.e

    baḌe pech meñ donoñ aa.e hue haiñ

    taḌap kar shab-e-hijr meñ kyuuñ na ro.uuñ

    chamaktī barq abr aa.e hue haiñ

    'ta.ashshuq' vo jo chāheñ bāteñ sunā.eñ

    sar-e-ijz ham to jhukā.e hue haiñ

    kab apni KHushi se wo aae hue hain

    mere jazb-e-dil ke bulae hue hain

    kaji par jo aflak aae hue hain

    un aankhon ke shayad sikhae hue hain

    kabhi to shahidon ki qabron pe aao

    ye sab ghar tumhaare basae hue hain

    kiya hai jo kuchh zikr mujh dil-jale ka

    pasine mein bilkul nahae hue hain

    zara phul se panw maile na honge

    tum aao hum aankhen bichhae hue hain

    kahin KHak bhi ab na baiThegi apni

    ki un ki gali se uThae hue hain

    girega zamin pe na KHun-e-shahidan

    abas aap daman uThae hue hain

    faqat pas hai un ke tir-e-nigah ka

    jo sine se dil ko lagae hue hain

    janaza mera dosto kal uThana

    ki wo aaj mehndi lagae hue hain

    unhen pas hai dil hamara muqarrar

    wahi hum se aankhen churae hue hain

    jo hai ghar ke andar wahi ghar ke bahar

    wo aankhon mein dil mein samae hue hain

    mere baad jaane ke utrenge kyun-kar

    ye kapDe jo mere pinhae hue hain

    na ho sabza-rangon mein kyun un ki shohrat

    mere qatl par zahr khae hue hain

    mere KHat ke purze uDae unhon ne

    kisi ke sikhae paDhae hue hain

    KHuda zulf se dil jigar ko bachae

    baDe pech mein donon aae hue hain

    taDap kar shab-e-hijr mein kyun na roun

    chamakti hi barq abr aae hue hain

    'tashshuq' wo jo chahen baaten sunaen

    sar-e-ijz hum to jhukae hue hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY