kab kisi gahre samundar ko hawa samjhegi

kab kisī gahre samundar ko havā samjhegī

sat.h par tairtī maujoñ ko navā samjhegī

do badan dard kī lahroñ pe bhī mil sakte haiñ

is risālat ko kahāñ bād-e-sabā samjhegī

ruuh kā zaḳhm na paḌh pā.egā gautam phir bhī

vo pujāran isī patthar ko ḳhudā samjhegī

vaqt kāfir kī ḳhudā.ī hai gunahgār bahut

saarī ma.asūm namāzoñ ko qazā samjhegī

is havelī kī rivāyat hī sharīfāna hai

ḳhud ko nīlām chaḌhā kar bhī bajā samjhegī

jaane kab utregā 'ḳhurshīd'-e-bashārat mujh meñ

kab ye tanhā.ī mujhe ġhār-e-hirā samjhegī

kab kisi gahre samundar ko hawa samjhegi

sath par tairti maujon ko nawa samjhegi

do badan dard ki lahron pe bhi mil sakte hain

is risalat ko kahan baad-e-saba samjhegi

ruh ka zaKHm na paDh paega gautam phir bhi

wo pujaran isi patthar ko KHuda samjhegi

waqt kafir ki KHudai hai gunahgar bahut

sari masum namazon ko qaza samjhegi

is haweli ki riwayat hi sharifana hai

KHud ko nilam chaDha kar bhi baja samjhegi

jaane kab utrega 'KHurshid'-e-bashaarat mujh mein

kab ye tanhai mujhe ghaar-e-hira samjhegi