kabhi jo aankh mein pani ko dekhte the hum

kabhī jo aañkh meñ paanī ko dekhte the ham

'ajab nazar se javānī ko dekhte the ham

shikasta-pā.ī kā ehsās jab bhī hotā thā

to apne dushman-e-jānī ko dekhte the ham

udaas lamhoñ meñ sahrāoñ kī taraf jaate

phir apnī naql-e-makānī ko dekhte the ham

hamārā vaqt se yuuñ tāl-mel Thiik nahīñ

baġhaur us kī ravānī ko dekhte the ham

mahal kā shaah kanīzoñ meñ mast rahtā thā

saf-e-ġhulām meñ raanī ko dekhte the ham

hamārī tarh nikal aa.e kyā ḳhabar koī shaḳhs

ulaT palaT ke kahānī ko dekhte the ham

bichhaḌte vaqt to apnī anā ke zo'm meñ the

judā hue to nishānī ko dekhte the ham

kabhi jo aankh mein pani ko dekhte the hum

'ajab nazar se jawani ko dekhte the hum

shikasta-pai ka ehsas jab bhi hota tha

to apne dushman-e-jaani ko dekhte the hum

udas lamhon mein sahraon ki taraf jate

phir apni naql-e-makani ko dekhte the hum

hamara waqt se yun tal-mel Thik nahin

baghaur us ki rawani ko dekhte the hum

mahal ka shah kanizon mein mast rahta tha

saf-e-ghulam mein rani ko dekhte the hum

hamari tarh nikal aae kya KHabar koi shaKHs

ulaT palaT ke kahani ko dekhte the hum

bichhaDte waqt to apni ana ke zo'm mein the

juda hue to nishani ko dekhte the hum